KRA imepitisha mashindano ya gofu kama njia ya kujenga ushirikiano endelevu na washikadau wakuu.
Katika mashindano ya hivi majuzi, Siginon Global Logistics, kampuni ya usafirishaji wa shehena, ilisifu sura mpya ya KRA, ambayo kampuni hiyo iliitaja kuwa rafiki na kufikika, hasa kwa walipa kodi.
?Matukio ya gofu ni fursa muhimu za ushiriki kwani hutuwezesha kujua wadau wana maoni gani kutuhusu na hatimaye kuboresha taswira ya shirika,? Meneja Msaidizi wa Uwajibikaji kwa Jamii Bw Kennedy Ngure alisema.
Akizungumza na timu ya Newsflash katika Klabu ya Gofu ya Karen wikendi iliyopita wakati wa mashindano ya gofu, Mkurugenzi Mkuu wa Siginon Global Logistics Bw Meshack Kipturgo alisema kuwa KRA imedhihirisha uwazi katika kushughulikia masuala ya walipa kodi, hivyo basi kuondoa taswira mbaya ya zamani ambayo KRA ilihusishwa nayo. ?KRA tuliyo nayo leo ni tofauti sana na tuliyojua hapo awali. Inashangaza kuona hata wafanyikazi wa KRA wakishiriki katika shughuli kama vile mashindano ya gofu tuliyo nayo leo,? Bw Kipturgo alisema.
Timu kutoka kwa wafanyakazi wa gofu wa KRA walishiriki katika mashindano hayo, yaliyowaleta pamoja wadau wa Siginon Global Logistic? Katika mashindano ya Gofu ya Muthaiga, wasimamizi wa ICPAK waliipongeza KRA kwa kufadhili na kushiriki mashindano ya gofu ya hisani ya ICPAK.
Carren Agengo (Majengo), Fredrick Wagura (Ukaguzi wa Ndani) na Edward Karanja (LTO) walishiriki katika hafla ya kila mwaka ya kutoa misaada. Wanachama wa ICPAK pia walipata pointi 3.5 za CPD kwa kushiriki.
